Joomla Templates and Joomla Extensions by JoomlaVision.Com

Өлгий сум Өлгий сум

Өлгий сум Өлгий сум
Developed by JoomVision.com

Нийгмийн ажилтнууд мэдлэгээ дээшлүүлэв

PDFХэвлэхИ-мэйл

2017 - 6-р сарын 09, Баасан гариг, 03:02

Аймгийн Хөдөлмөр, халамж үйлчилгээний газар ШУТИС-ийн Бизнесийн удирдлага, хүмүүнлэгийн сургуультай хамтран ажиллах санамж бичиг байгууллаа. Энэ талаар тус газрын Халамжийн хэлтсийн дарга Х.Бауыржан мэдээлэв.
Нийгмийн халамжийн тухай хуульд нийгмийн ажилтнуудад тухайн чиглэлээр мэргэшүүлэх сургалтад хамрагдсан, ажил үйлчилгээ явуулах эрх авсан байх шаардлага тавьдаг аж. Ард иргэдтэй хамгийн ойр байж,  өдөр тутам нүүр тулж ажиллаж, зорилтод бүлгүүдэд халамжийн үйлчилгээг түргэн шуурхай хүргэх үүрэг хүлээдэг нийгмийн ажилтнуудын мэдлэг чадварыг  дээшлүүлэх, мэргэшүүлэх зорилгоор дээрх санамж бичгийг байгуулсан байна.
Санамж бичгийн хүрээнд ШУТИС тус аймгийн нийгмийн ажилтнуудад бага зардлаар 20 цагийн мэргэшүүлэх сургалт зохион байгуулах бөгөөд энэ сарын 6-наас 7-ны өдөр аймгийн төв болон хөдөөгийн сумдын 27 ажилтныг эхний удаа сургалтад хамруулж сертификат олгожээ. Хамтран ажиллах санамж бичиг 2020 он хүртэл хүчин төгөлдөр үйaчилнэ.

   

Сурагчид Олон улсын урлагийн наадмаас гран-при шагнал хүртжээ

PDFХэвлэхИ-мэйл

2017 - 6-р сарын 07, Лхагва гариг, 03:00

Зураг

Тус аймгийн ерөнхий боловсролын "Дарын" цогцолбор сургуулийн сурагчид  саяхан БН Казахстан улсын Караганды хотод зохион байгуулагдсан уламжлалт "Тулга" Олон улсын IV урлагийн наадамд аймгаа төлөөлөн амжилттай оролцоод иржээ.

Эстрадын болон үндэсний дуу, бүжиг, ардын хөгжим, тайзны урлаг, уран уншлага зэрэг урлагийн 11 номинацийн дагуу зохион байгуулагдсан тус наадамд Монгол Улсын Баян-Өлгий аймаг болон БН Казахстан улсын 14 мужаас нийтдээ 600 орчим хүүхэд оролцож авьяас чадвараа сорин өрсөлдсөн байна. Дөрвөн өдөр үргэлжилсэн тэмцээний дүнгээр уран уншлагын төрлөөр 10 дугаар ангийн сурагч Е.Халима, эстрадын дууны төрлөөр 11 дүгээр ангийн сурагч А.Нурбол нар гран-при шагнал хүртэж, эх орныхоо нэрийг өндөрт өргөсөн бол охидын "Томирис" хамтлаг 1 дүгээр байранд,  аймгийн Хөгжимт Драмын Театрын дуучин С.Лайла "Шилдэг багш"-аар тус тус шалгарчээ.

Тэмцээнийг Төв Казахстан академийн "Лингва" шинжлэх ухаан, боловсролын төв болон "Тулга.КZ" нийгэмлэг хамтран зохион байгуулсан бөгөөд Баян-Өлгий аймгийн хүүхдүүд ийнхүү гурав дахь жилдээ амжилттай оролцлоо гэж "Дарын" цогцолбор сургуулийн багш З.Бахытбек мэдээллээ. 

   

Баян-Өлгийд орос хэлний төвийн салбар нээнэ

PDFХэвлэхИ-мэйл

2017 - 6-р сарын 04, Ням гариг, 02:57

Зураг

Тус аймагт Оросын Шинжлэх ухаан, соёлын төвийн дэргэдэх Орос хэлний төвийн салбарыг нээх тухай гурван талт гэрээнд 2017 оны 5 дугаар сарын 30-ны өдөр Россотрудничество агентлагийн Монгол дахь Төлөөлөгчийн газрын тэргүүн Евгений Михайлов,  Баян-Өлгий аймгийн Боловсрол, соёл урлагийн газрын дарга Х.Зауре, “Найз нөхдийн ертөнц” орос хэлний төвийн захирал Х.Жулдыз нар Улаанбаатар хотод үсэг зурлаа.

Орос хэлний төвийн салбар нь аймгийн Боловсрол, соёл урлагийн газрыг түшиглэн үйл ажиллагаагаа явуулах бөгөөд хамтран ажиллах гэрээнд ард иргэдийн эрэлт хэрэгцээг харгалзан орос хэлний тодорхой хөтөлбөрүүдийн дагуу хичээл заах, мэдээлэл солилцох, арга зүйн зөвлөгөө өгөх, ерөнхий боловсролын сургуулиудыг төгсөгчдийн орос хэлний мэдлэгийг дээшлүүлэх замаар ОХУ-ын Засгийн газрын тэтгэлгээр тус улсад суралцуулахад дэмжлэг үзүүлэх, бүс нутагт орос хэл, оросын соёлыг түгээн дэлгэрүүлж хөгжүүлэх зэрэг  асуудлууд  тусгагджээ.
Гарын үсэг зурах ёслолын ажиллагааны үеэр Оросын Шинжлэх ухаан, соёлын төвийн зүгээс аймгийн Боловсрол, соёл урлагийн газрын дарга Х.Зауред орос хэлний дамжааны сургалтын хөтөлбөр, сурах бичиг, уран зохиолын ном, оросын яруу найраг, үргэлжилсэн үгийн сонгодог зохиолчдын хөрөг, анги танхимыг чимэглэх бусад хэрэгцээт материалуудыг хүлээлгэж өгсөн байна.  

ОШУСТ-ийн дэргэдэх Орос хэлний төв нь Дархан, Эрдэнэт хот, Завхан, Хөвсгөл, Увс, Ховд аймгуудад

салбартай бөгөөд 7 дахь салбар нь ийнхүү Баян-Өлгий аймагт нээгдэж байна. Тус салбар нь холбогдох бэлтгэлээ хангаж, удахгүй үйл ажиллагаагаа эхлэх юм байна.
   

Айл өрхүүдэд хүнсний тусламж үзүүллээ

PDFХэвлэхИ-мэйл

2017 - 6-р сарын 03, Бямба гариг, 02:55

Тавдугаар сарын 26-наас эхэлсэн ислам шашинтнуудын «Ариун Рамадан сар»-ыг тохиолдуулан Кувейт улсын «Олон улсын исламын энэрлийн сан»-гаас тус аймгийн 273 өрхөд тус бүр 80,000 төгрөгийн үнэ бүхий хүнсний тусламж үзүүллээ гэж Монголын Ислам Шашинтны Мүфтият Холбооноос мэдээллээ.
Энэ нь Монгол дахь Кувейт улсын Элчин Сайдын Яамны дэмжлэгээр зохион байгуулагдаж буй 2 дахь хүнсний тусламжийн арга хэмжээ ба 5 дугаар сарын эхэнд мөн 437 өрхөд гурил, будаа, хүнсний бусад бүтээгдэхүүн олгосон юм.
Рамадан нь ислам он тооллын 9 дэх сар бөгөөд хvн төрөлхтний гар дээр Коран судрыг анхлан тавьсан үед тооцогддог. Ислам шашинтнууд нь Рамадан сарын туршид өглөө эртлэн босож, «саре» хэмээх өглөөний зоогоо идээд, тухайн өдрийн наран жаргатал ганц балга ус ч уулгvй мацаг барьдаг заншилтай. Энэхүү заншлыг нь «Ораза» гэж нэрлэдэг. Энэ өдрүүдэд залбирал, уншлагаар оюунаа ундаалах нь махан биеэ тэжээж, юм идэхээс илүү үр ашигтайд тооцогддог байна.
Мөн хүн бүр дор бүрнээ сайн үйлс хийж, буяны замыг мөрдлөг болгох нь энэ сарын хамгийн гол заншил юм

   

Хүүхдийн баярыг автомашингүй тэмдэглэж байна

PDFХэвлэхИ-мэйл

2017 - 6-р сарын 03, Бямба гариг, 02:38

Зураг

Хүүхэд багачууд, эцэг-эхчүүдэд таатай нөхцөл бүрдүүлэх, болзошгүй эрсдэл, зөрчлөөс урьдчилан сэргийлэх зорилгоор Цагдаагийн газраас аймгийн төвийн гол замуудын хөдөлгөөнийг хааж, “Хүүхдийн эрхийг хамгаалах өдөр”-ийг автомашингүй тэмдэглэж байгаагаар энэ жилийн хүүхдийн баяр онцлогтой болж байна.

Өнөөдөр тус аймагт 41 мянган хүүхэд баяраа тэмдэглэж байгаа бөгөөд 26 мянга орчим хүүхэд ерөнхий боловсролын сургуульд суралцаж, 6700 хүүхэд цэцэрлэгт хүмүүжиж байгааг “Хүүхдийн эрхийг хамгаалах өдөр”-т зориулан Хүүхэд, залуучуудын паркад зохион байгуулсан баярын арга хэмжээний нээлтийн ажиллагааны үеэр аймгийн Засаг дарга А.Гылымхан онцоллоо.
Аймгийн ЗДТГ, Гэр бүл, хүүхэд, залуучуудын хөгжлийн газаас энэ жилийн “Хүүхдийн баяр”-ыг “Би гэр бүлдээ жаргалтай” уриан доор тэмдэглэж байгаа бөгөөд холбогдох байгууллагуудтай хамтран даам, шатар, хөл бөмбөг, гар бөмбөг, тогыз кумалахын тэмцээн, захидлын уралдаан зэрэг арга хэмжээнүүдийг давхар зохион байгууллаа.

Мөн олон хүүхэд төрүүлэн өсгөж, эх орныхоо хөгжил, цэцэглэлтэд оруулсан жинтэй хувь нэмрийнхээ төлөө Монгол улсын Ерөнхийлөгчийн зарлигаар “Алдарт эх”-ийн І, ІІÂ одонгоор шагнуулсан 462 эхийн шагналыг аймгийн ИТХ-ын дарга Д.Бауыржан, Засаг дарга А.Гылымхан нар баярын нээлтийн арга хэмжээний үеэр гардуулж өглөө.
Баярын арга хэмжээ авьяастай хүүхдүүдийн урлагийн тоглолтоор үргэлжилнэ.

   

Аймгийн төвд шинээр гүүр барихад дэмжлэг үзүүлэхийг хүслээ

PDFХэвлэхИ-мэйл

2017 - 5-р сарын 29, Даваа гариг, 02:34

 

Зураг

Азийн Хөгжлийн Банкны Масахиро Нишимура тэргүүтэй “Баруун бүсийн босоо тэнхлэгийн авто замыг хөгжүүлэх төсөл”-ийн баг өнгөрсөн долоо хоногт тус аймагт ажиллалаа.
Ажлын хэсгийнхэн замын барилгын ажилтай газар дээр нь танилцаж, аймгийн удирдлагуудтай уулзан санал бодол солилцсон юм. Уулзалтын үеэр аймгийн Засаг дарга А.Гылымхан аймгийн төвийн Ховд голын төмөр бетон гүүрийн ашиглалтын хугацаа дуусч, хүнд даацын машин явах боломжгүй болсон тул шинээр гүүр барих ажилд дэмжлэг үзүүлэхийг хүслээ.
Ажлын хэсэг шинээр барих гүүрийн зураг төсвийг гаргаж хүргүүлсэн тохиолдолд банкны холбогдох байгууллагын хуралд оруулж хэлэлцүүлэх боломжтойг илэрхийлсэн юм.
Монгол Улсын Засгийн газар, Азийн Хөгжлийн Банктай хамтран "Баруун бүсийн босоо тэнхлэгийн авто замыг хөгжүүлэх төсөл"-ийг хэрэгжүүлж байгаа юм. Энэ төслийн хүрээнд 2014 онд Өлгий-Толбо чиглэлийн 60 км, Өлгий-Цагааннуур чиглэлийн 40 км хатуу хучилттай авто зам баригдаж ашиглалтад орсон бөгөөд төслийн хоёрдугаар хэсэг болох 189.7 км замын ажил одоо үргэлжилж байна. Төслийг БНХАУ-ын China Huashi Enterprises компани гүйцэтгэж,  Ай Си Ти сайн консалтинг компани зөвлөхөөр ажиллан 2018 онд ашиглалтад өгөхөөр төлөвлөж байна.  
Уг замыг ашиглалтад оруулснаар баруун бүсийн босоо тэнхлэгийн Ярант-Ховд-Өлгий-Улаанбайшинт чиглэлийн авто зам бүрэн хатуу хучилттай болох бөгөөд тус замаар жилд 5000 мянган машин дайран өнгөрөх тухай судалгааг Азийн хөгжлийн банкны зүгээс гаргасан юм. Мөн тээвэр ложистикийн харилцаа өргөжиж, аялал жуулчлал, үйлдвэр, үйлчилгээг хөгжүүлэх, шинээр ажлын байр бий болгох чухал ач холбогдолтойг мэргэжлийн хүмүүс онцолж байна.   

   

Хуудас 22-с 1

Design, Development CMS - http://www.joomvision.com

Санал асуулга

Та аймгийнхаа мэдээллийг аль сувгаар илүү авч байна вэ?