Joomla Templates and Joomla Extensions by JoomlaVision.Com

Өлгий сум Өлгий сум

Өлгий сум Өлгий сум
Developed by JoomVision.com

НДШ төлөхөөс зайлсхийгчид

PDFХэвлэхИ-мэйл

2015 - 11-р сарын 28, Бямба гариг, 07:56

Баян-Өлгий аймгийн нийгэм даатгалын хэлтэс өндөр настнууд болон хөгжлийн бэрхшээлтэй хүмүүсийн энэ оны тэтгэвэр тэтгэмжийг өнөөдрөөс эхлэн ойрын өдрүүдэд өгч дуусгахаа мэдэгдлээ.

NDSHГэхдээ зарим байгууллагууд нийгэм даатгалын шимтгэл төлөхөд хариуцлагагүй ханддагийн улмаас эдгээр иргэдийн тэтгэвэр тэтгэмж цаашид тасалдах эрсдэлд хүрч болзошгүй байна. Тус хэлтсийн дарга С.Шаяхмет НДШ-ийн өрийн 90 хувь буюу 300 сая төгрөг зөвхөн боловсролын салбарт, аймгийн төвд байгааг дурдаад, төлөхгүй байгаа Өлгий сумын нийт цэцэрлэг болон ихэнх сургуулийг нэр заан анхааруулав. Гэтэл нэг, хоёрдугаар бүрэн дунд сургууль тэдэнтэй адил хэмжээнд санхүүжихийн хэрээр шимтгэлээ цаг тухайд нь төлсөөр ирсэнээс үзэхэд энэ дутагдал нь сургууль, цэцэрлэг бүрийн төсөв захиран зарцуулагчдын хариуцлагатай л холбоотой юм байна.

   

Багш, сурагчдад компьютер олголоо

PDFХэвлэхИ-мэйл

2015 - 11-р сарын 27, Баасан гариг, 07:46

Монгол Улсын Засгийн Газраас баталсан “Зөв Монгол хүүхэд” үндэсний хөтөлбөрийн “Багшийн хөгжил” дэд хөтөлбөрийн хүрээнд Монгол улсын багш нэг бүрт зөөврийн компьютер олгох ёслолын үйл ажиллагаа Баян – Өлгий аймагт боллоо.

bagsh komputerУлсын хэмжээнд нийт 25,000 ширхэг зөөврийн компьютерийг багш бүрт, сургалтын орчныг сайжруулах чиглэлээр 11 мянга гаруй зөөврийн компьютерийн лабораторийг сургууль бүрт олгохоор болсон. Энэ арга хэмжээний хүрээнд Баян-Өлгий аймагт багш нарт зориулаж 1389, сурагчдад зориулж 417 компьютер олгоод байна.
Тус арга хэмжээнд УИХ-ын гишүүн, ТББХ-ны дарга А.Бакей, УИХ-ын гишүүн А.Тлейхан, аймгийн удирдлагууд оролцлоо.

   

Мал, махыг дотоодод борлуулах арга замыг хайх хэрэгтэй гэв

PDFХэвлэхИ-мэйл

2015 - 11-р сарын 26, Пүрэв гариг, 07:44

УИХ-ын гишүүн, Төрийн байгуулалтын байнгын хорооны дарга А.Бакей орон нутагт ирж ажиллаад буцлаа.

Эрхэм гишүүн ярихдаа, Эдийн засгийн хямрал олон улсыг хамраад байна. Хөрш орнуудын байдал хүнд. Манайхан харин ч мэдэгдэхүйц хязгаарлаад байна. Гурил, цай зэрэг өргөн хэрэглээний бараа бүтээгдэхүүний үнэ тогтвортой байна. Гадаадаас авсан зээлээ бид бүтээн байгуулалтанд зориулаад байна. Улаанбаатар, Өлгий хоорондын хар зам тавигдаж дуусах дөхлөө. Өлгий хотын өнгө жавхаа сүүлийн гурав дөрвөн жилийн хугацаанд өөрчлөгдсөнийг гадаад, дотоодын олон хүн ярьж байна. Өвөл хүндрэх төлөвтэй. Аймгийн байдал тийм ч сайнгүй байна. Бэлтгэлээ улам бататгах, улсын зүгээс өвс тэжээлийг хөнгөлөлттэй үнээр олгох шаардлагатай. Мал, махыг дотоодод борлуулах арга замыг хайх хэрэгтэй. Тус аймгийг хөгжүүлэхэд УЦС байгуулах, Ховд хүртэлх хатуу хучилттай замыг тавьж дуусгах, барилгын материалын болон бусад үйлдвэрүүд барьж байгуулах нь чухал ач холбогдолтой. Ирэх сонгууль ойртсон бололтой, намуудынхан янз бүрийн сурталчилгаа хийгээд эхэлсэн харагдана. Гэхдээ юм бүхнийг үгүйсгэн гүтгэн гүжирдэхээ больж улс орны эрх ашгийн үүднээс хамтран ажиллах нь чухал юм. Үндсэн хууль, Сонгуулийн хуулинд өөрчлөлт оруулах асуудал УИХ-д хэлэлцэж байна. Аймаг, сумын засаг даргыг сонгох зэрэг асуудлуудыг авч үзнэ. Үндсэн хуулинд өөрчлөлт авахад ард түмний саналыг үндэслэнэ гэв.

   

"Бүргэдчин" барималтай болов

PDFХэвлэхИ-мэйл

2015 - 11-р сарын 25, Лхагва гариг, 00:00

Баян-Өлгий аймгийн ЗДТГ-ын цагаан байшингийн өмнөх талбайд "Бүргэдчин" морьтны баримал баримал сүндэрлэлээ.

burgedchinКазах түмний давтагдашгүй өвөрмөц соёл, зан заншлыг олон нийтэд сурталчлах, мөн бүргэдчидэд хүндэтгэл үзүүлэх зорилгоор энэхүү баримлыг барьжээ. Уг баримлыг УИХ-ын гишүүн, ТББХ-ны дарга, Улаанбаатар хот дахь Баян-Өлгий аймгийн нутгийн зөвлөлийн тэргүүн А.Бакейн санаачилж, нэрт зураач, уран бүтээлч Р.Нурдыхан урлан бүтээсэн юм.

   

Өвөлжилт хүндэрч эхлэв

PDFХэвлэхИ-мэйл

2015 - 11-р сарын 24, Мягмар гариг, 00:00

Баян-Өлгий аймгийн нийт нутгийн далан хувь нь цастай байна. Дэлүүн сумын нутаг цасгүй, Алтай, Буянт, Өлгий зэрэг сумдын нутагт энэ сарын 17, 20, 21-ний өдрүүдэд нэмж цас орсон бөгөөд энэ долоо хоногт уулархаг нутгуудаар дахин цас орох юм байна.

Цэнгэл, Улаанхус, Баяннуур сумдын нутгаар зузаан цастай, 28 хэм хүрч хүйтний эрч чангарч байгаа ч байдал гамшгийн хэмжээнд хараахан хүрээгүй, гэхдээ сонор сэрэмжтэй, бэлтгэлтэй байхыг аймгийн засаг даргаас онцгой байдлын алба, холбогдох бусад байгууллагынханд анхаарууллаа. Энэ долоо хоногийн сүүлчээр хүйтний эрч намдах төлөвтэй болохыг ус цаг уурынхан мэдээлээд байна.

mal3Харин Өлгий сумын нэгдсэн халаалтын хэрэглэгчид дулааны шугамын үйл ажиллагаанд сэтгэл дундуурхан байна. Нутаг нь цасан бүрхүүлтэй байгаа Алтай суманд шүлхий өвчинтэй холбоотой хорио цээр цуцлагдсан ч уг сумаас гадагшаа мал болон мал аж ахуйн бүтээгдэхүүн гаргахыг хязгаарласаар байна. 

   

Өлгий хотод Төр, нийгмийн зүтгэлтэн, Ардчилсан хувьсгалын анхдагчийн нэрэмжит гудамж нэмэгдэв

PDFХэвлэхИ-мэйл

2015 - 11-р сарын 23, Даваа гариг, 00:00

Баян-Өлгий аймгийн Ардчилсан холбооны даргаар, аймгийн Засаг даргын орлогчоор ажиллаж байсан Төр, нийгмийн зүтгэлтэн, Ардчилсан хувьсгалын анхдагч А.Харигийн нэрэмжит гудамжны нээлтийн үйл ажиллагаа Өлгий хотод боллоо. Нээлтийн үйл ажиллагаанд аймгийн Засаг даргын орлогч Н.Санатбек, аймгийн ИТХ-ын Нарийн бичгийн дарга К.Баймурат, Өлгий сумын ИТХ-ын дарга С.Онгар, Засаг дарга бөгөөд хотын Захирагч Ө.Хабай, аймгийн Ардчилсан холбооны дарга Х.Хайсанай, А.Хари агсаны найз, зохиолч Р.Сураган болон албаны бусад хүмүүс, төрөл төрөгсөд нь оролцлоо. Алимтайн Хари 1958 онд Баян-Өлгий аймгийн Дэлүүн суманд төрсөн. Инженер, эдийн засагч мэргэжилтэй. Төрд 30 жил тасралтгүй ажилласан. 1981-1983 онд Дархан хотод Хүнсний үйлдвэрийн авто аж ахуй хариуцсан инженер, мөн тус үйлдвэрийн ерөнхий инженер, даргаар нь анхны ажлын гараагаа эхэлсэн.hari

hari2hari3

   

Хуудас 22-с 15

Design, Development CMS - http://www.joomvision.com

Санал асуулга

Та аймгийнхаа мэдээллийг аль сувгаар илүү авч байна вэ?