Joomla Templates and Joomla Extensions by JoomlaVision.Com

Өлгий сум Өлгий сум

Өлгий сум Өлгий сум
Developed by JoomVision.com

Хүндийн өргөлтийн тэмцээнд Хөвсгөлийнхэн аваргалав

PDFХэвлэхИ-мэйл

2015 - 10-р сарын 18, Ням гариг, 13:07

Хүндийн өргөлтөөр улсын аварга шалгаруулах тэмцээн Өлгий суманд хоёр хоног явагдаж өчигдөр шувтарлаа.

hundiin orgoltУг тэмцээн тус аймагт 35 жил алгасаад хоёр дахь удаа зохиогдлоо. Монгол Улсын спортын мастер ахмад тамирчин Р.Дарипханы нэрэмжит энэ тэмцээнд 90 орчим тамирчин оролцлоо. Багийн оноогоор Хөвсгөл аймгийн тамирчид түрүүлж, удаахь байрыг Өвөрхангай аймгийнхан эзлэв. Манай аймгийнхан гуравдугаар байранд орж муугүй амжилт үзүүлсэний дээр нэгдүгээр дунд сургуулийн сурагч Т.Ибрахим 56 кг-ын жинд алтан медаль зүүв. Манай нутгийн уугуул, одоо Казахстанд оршин суудаг нэрт тамирчин Т.Мендихан, Д.Өмиртай нар манайд 2500 ам. долларын үнэтэй штанг бэлэглэлээ гэж биеийн тамир спортын газрын дарга Х.Хайнар мэдээллээ.

   

Монголын мусульмааны нийгэмлэгийн 25 жилийн ой

PDFХэвлэхИ-мэйл

2015 - 10-р сарын 16, Баасан гариг, 12:53

meshtМонголын мусульмааны нийгэмлэгийн 25 жилийн ойг тус аймагт өргөн хүрээнд тэмдэглэж, Баян-Өлгий аймаг дахь дөч орчим мешид (мөргөлийн өргөө) болон Улаанбаатар, Налайх, Шарын гол, Хонгор дахь мешидүүдийн тэргүүн имаам, төлөөлөгчид оролцсон баярын хурлын дараа уран сайханчдын тоглолт болов.

Харилцаа дууны тэмцээнд С.Бержан, яруу найргийн уралдаанд Ж.Шынарбек, шашны ариун судар Курааныг цээжээр унших уралдаанд хүү Бахытбек, охин Ханифа нар түрүүлэв. Шатарчдын тэмцээнд Н.Төлеген, 48 бөх оролцсон барилдаанд Цэнгэл сумын Аманбек түрүүлж, Баяннуур сумын Жанатбек үзүүрлэлээ. Мөн энэ баярын үеэр Өлгий сумын иргэн Ө.Мария талийгаач нөхөр Ержаныхаа дурсгалд зориулан босгосон шинэ мешидийнхээ нээлтийг хийв. Энэ мешидэд Турк Улсын «Рухани нур» сан 25 сая төгрөгийн хандив өргөлөө гэж мусульмааны нийгэмлэгээс мэдээллээ.

   

Р.Дарипханы нэрэмжит тэмцээн боллоо

PDFХэвлэхИ-мэйл

2015 - 10-р сарын 16, Баасан гариг, 12:50

dariphanii neremjid UASH temseenБаян-Өлгий аймгийн Өлгий суманд хүнд атлетикийн улсын аварга шалгаруулах тэмцээн болж байна. Хүнд атлетикийн улсын аварга, спортын мастер Р.Дарипханы нэрэмжит энэ тэмцээнд дал гаруй баг, ная орчим тамирчин оролцож байна.

1930-1960-аад оны үед Налайхын их уурхайн аварга ажилчин «ударник"-аар тодорч байсан Түүний эцэг Т.Рияний хүү Даривхан 1970-аад онд хүнд атлетикаар рекорд амжилт гарган спортын мастер цол хүртсэн байна. Мөн түүний төрсөн дүү Р.Атимхан олон улсын хэмжээний спортын мастер, хүү Д.Өмиртай улсын аварга, ач хүү Ермек Азийн аварга болжээ. Хүнд атлетикийн холбооны ерөнхий нарийн бичгийн дарга н.Даваадорж, Казахстаны спортын мастер Т.Мендихан, мастер Р.Дарипхан нар энэ тэмцээнийг удирдан зохион байгуулахад идэвхтэй оролцож байна гэж аймгийн Биеийн тамирын газраас мэдээллээ.

   

Туршилтын судалгаа явагдаж байна

PDFХэвлэхИ-мэйл

2015 - 10-р сарын 16, Баасан гариг, 12:49

Баян-Өлгий аймгийн статистикийн хэлтэс нь “Хөрөнгийн эзэмшил, аж ахуй эрхлэлтийг жендэрийн төлөв байдлаар тодорхойлох нь” туршилтын судалгааг анх удаа зохион байгуулж байна.

Энэхүү туршилтын судалгааг Үндэсний статистикийн хорооны мэргэжилтэн Ю.Туул ахлагчтай баг аймгийн статистикийн хэлтсийн мэргэжилтнүүдтэй хамтран Алтай, Сагсай, Улаанхус, Цэнгэл, Алтанцөгц, Баяннуур, Ногооннуур, аймгийн төвийн Өлгий сумын 8 багт ажиллаж, нийтдээ 8 сумын 15 багийн 240 гаруй түүврээр сонгогдсон өрхүүдийг хамруулан гүйцэтгэж байна. Энэхүү судалгаагаар өрхийн хөрөнгийн эзэмшил, захиран зарцуулалт, аж ахуй эрхлэлтийн талаарх мэдээллийг цуглуулж, судалгааны үр дүнгээр олон улсын аргачлал, арга зүйг сайжруулах зорилготой юм гэж тус аймгийн статистикийн хэлтэс мэдээллээ.

   

«ХАНГАЙ» АВТО ЗАСВАР, ҮЙЛЧИЛГЭЭНИЙ ТӨВ НЭЭЛЭЭ

PDFХэвлэхИ-мэйл

2015 - 8-р сарын 21, Баасан гариг, 09:04

Баян-Өлгий аймагт  «Хангай» авто засвар үйлчилгээний төвийн нээлтийн үйл ажиллагаа боллоо.

zasbar«Хангай» гэсэн нэрээр анх танигдан гарч ирснээсээ хойш хэрэглэгчдийн хэрэгцээ, шаардлагад нийцсэн чанартай, япон, солонгос оргиналь сэлбэг хэрэгслүүдээр хурдан шуурхай, найдвартай үйлчилгээ хүргэсээр 10 гаруй жил тогтвортой үйл ажиллагаа явуулж байгаа юм. Түүний хажуугаар нь «Хангай» авто засвар, үйлчилгээний төв нээж, ажиллаж эхэллээ.

«Хангай» авто засвар, үйлчилгээний давуу тал нь нийт гурван өргөгч, зургаан механикчтай өдөрт нийт 20-30 автомашин хүлээн авах хүчин чадалтай бөгөөд мэргэжлийн чадварлаг механик инженерүүд, сэлбэгийн худалдаа, засвар үйлчилгээ, үйлчлүүлэгч машинаа засварт орсон үед камераар хянах боломж, тав тухтай орчин, хүлээлгийн танхим, хямд, чанартай, түргэн шуурхай үйлчилгээг санал болгож байна гэж тус үйлчилгээний газрын захирал H.Мухтар ярив.

   

ӨЛГИЙД ГУРИЛЫН ҮНЭ ӨСЧ БАЙНА

PDFХэвлэхИ-мэйл

2015 - 8-р сарын 21, Баасан гариг, 09:02

Өлгий сумын бараан зах дээр сүүлийн 10 хоногт 50 кг  гурилын үнэ 6000 төгрөгөөр нэмэгдлээ.

gurilОрос, Казахстанаас оруулж ирдэг гурил тасалдсан, ган болж үр тариа ургаагүй гэсэн яриа байна. Хүнсний ногоо, жимс жимсгэнэ ч ОХУ-аас ирдэг байснаа саатаад байна. Гаалийн татвар нь өндөр бололтой. Иймд хүнсний ногооны үнэ буурдаг цагтаа хямдраагүй. Төмс, зарим хүнсний ногоог Баяннуур сум, Ховд аймгаас авч эхэллээ гэж «Ах дэм» захын худалдагчид ярьж байна. Энэ зах дээр өнөөдрийн байдлаар кг төмс 1000, лууван 1800, байцаа 800, тарвас 1300, алим 4500 төгрөг байна. Адуу, үхрийн мах 6000-7000, хониных 5500, ямааных 4500, нэхий болон ямааны арьс 2500, адууны шир 28000, кг ноолуур 45-47 мянган төгрөг байна.

   

Хуудас 20-с 17

Design, Development CMS - http://www.joomvision.com

Санал асуулга

Та аймгийнхаа мэдээллийг аль сувгаар илүү авч байна вэ?