Developed by JoomVision.com

БИТҮҮ ЗАХ ИРЭХ САРЫН 1-НЭЭС АЖИЛЛАНА

PDFХэвлэхИ-мэйл

2014 - 3-р сарын 24, Даваа гариг, 06:32

bituuzakh2014Баян-Өлгий аймгийн Өлгий сумын баруун захаар босгогдсон «Жана өлке» нэртэй энэ захын барилгын ажил шувтарч, одоо дотоод тохижилтыг хийж байна.

Цэвэр орчинд байрлан дулаан, цахилгаан, цэвэр бохир усны шугаманд холбогдсон энэ битүү зах нэн ялангуяа өвлийн цагт худалдаа наймаа хийхэд нэн таатай юм. Цөөнгүй хүмүүс энд байрлаж ажиллахаар хүсэлт өгч, түрээснийхээ мөнгөө ч урьдчилж төлчихсөн байна. 12 хавтгай дөрвөлжин метр талбайн сарын хураамж одоохондоо 120 000 төгрөг юм гэнэ.

Гэвч уг зах хотын нөгөө хэсэгт оршин суугчдаас нэлээд алслагдсан бөгөөд төлбөр түрээс нь хуучин захуудынхаас өндөр үнэтэй. Тэрчлэн «Тирлик», «Ах дэм», «Яармаг» зэрэг хот доторх захууд дээр олон хүн тохилог байр байгууламж барьсан, тэндээс хөдлөх янз харагдахгүй байгаа болохоор битүү зах ашиг орлоготой ажиллаж чадах эсэхэд цөөнгүй хүн эргэлзээд байна. Битүү зах нээлтээ урьдчилж хийсэн атлаа дотоод тохижилт нь дуусаагүй тул дөрөвдүгээр сарын нэгнээс наана ашиглалтанд орох боломжгүй юм байна.

Баян-Өлгий аймаг Ш.Айбек

 
 

Баян-Өлгий аймгийн жижиг дунд үйлдвэрлэл эрхлэгчид зөвлөлдлөө

PDFХэвлэхИ-мэйл

2014 - 3-р сарын 24, Даваа гариг, 04:57

jijig1Өлгий хотод "Жижиг дунд үйлдвэр эрхлэгчдийн зөвлөлгөөн"-ийг 2014 оны 03 дугаар сарын 19 –ны өдөр зохион байгууллаа.Үндэсний үйлдвэрлэлийг дэмжих чиглэлээр баримталж байгаа бодлого, чиглэлийн талаар мэдээлэл өгөх, харилцан мэдээлэл солилцох, үйлдвэрлэл эрхлэгчдийн санал бодлыг сонсож, тэдний үйл ажиллагаанд дэмжлэг үзүүлэх, алдаанаасаа суралцан цаашдын үйл ажиллагааг сайжруулах зорилготой тус зөвлөлгөөөнд бүх сумдын ЖДҮ эрхлэгчид, сумдын Засаг дарга нар оролцлоо.Аймгийн хэмжээгээр 1159 ААН бүртгэлтэй байгаагийн 90 % нь ЖДҮ –ийн ангилалд багтаж байна.Зөвлөгөөнд аймгийн Засаг дарга Х.Дармен, Засаг даргын орлогч Н.Санатбек, ХБХ-ийн дарга А.Болатхан, ҮХААГ-ын дарга Ж.Онгар, Хөдөлмөрийн хэлтсийн дарга Н.Самат нар оролцож, үг хэллээ.Энэ үеэр аймгаас жижиг дунд үйлдвэрлэл эрхлэгчдийг дэмжих чиглэлээр баримталж буй бодлого, цаашдын зорилтын талаар танилцуулж, зөвлөлгөөнд оролцогчид харилцан санал солилцов.


 

 
 

ДУЛААН ХАРЫН ХОЛИМОГ МЕТАЛЛЫН ҮЙЛДВЭРТ 700 ХҮН АЖИЛЛАХ БОЛОМЖТОЙ

PDFХэвлэхИ-мэйл

2014 - 3-р сарын 24, Даваа гариг, 04:06

Баян-Өлгий аймгийн Ногооннуур сумын нутагт байдаг Дулаан харын холимог металлын үйлдвэр ашиглалтад оров.

БНХАУ-ын Шихуа компанийн 100 сая төгрөгийн хөрөнгө оруулалтаар ашиглалтад орж байгаа энэ үйлдвэр жилд хэд хэдэн төрлийн металлын 300 тонн баяжмал гаргах хүчин чадалтай. Энд  700 хүн ажиллах боломжтой, одоохондоо зуу орчим хүн ажиллаж, эхлээд тугалганы баяжмалыг урьд хөрш руу гаргахаар ажлаа эхэлжээ.

110 квт-ын эрчим хүчний шугаманд холбогдсон энэ үйлдвэрийн нээлтийн ажиллагаанд хөрөнгө оруулагч БНХАУ-ын Монгол Улс дахь Элчингийн ерөнхий нарийн бичгийн дарга Ян Ши Дунг тэргүүтэй төлөөлөгчид болон УИХ-ын Төрийн байгуулалтын байнгын хорооны дарга А.Бакей, Уул уурхайн сайд Д.Ганхуяг, аймгийн ИТХ-ын дарга Б.Лэззэтхан, Засаг дарга Х.Дармен нар оролцож, УИХ-ын гишүүн А.Тлейхан цахилгаан утас ирүүлж баяр хүргэн амжилт хүсэв. Энэ үйлдвэр Өлгийгээс 60, Тайгэчхэний боомтоос 800 км хол оршдог юм байна. Энэ арга хэмжээнд оролцсоныхоо дараа эрхэм гишүүн, сайд нар Асгатын мөнгөний орд дээр очиж, байдалтай нь газар дээр танилцлаа гэж аймгийн ЗДТГ-аас мэдээллээ.

Баян-Өлгий аймаг Ш.Айбек

 
 

Дулаан хар баяжуулах үйлдвэрийн нээлт боллоо

PDFХэвлэхИ-мэйл

2014 - 3-р сарын 12, Лхагва гариг, 07:11

bituuzakh2014Баруун бүсийн хамгийн том, хамгийн дэвшилтэт технологи бүхий аж үйлдвэрийн байгууламж Дулаан харын баяжуулах үйлдвэрийг нээлээ. Баян-Өлгий аймгийн Ногооннуур сумын нутаг дэвсгэрт орших Дулаан харын цайр, хар тугалганы уурхайн баяжуулах үйлдвэрийн нээлтийн ёслолын арга хэмжээг 2013 оны 03 сарын 10 –ны өдөр зохион байгууллаа.

Нээлтийн арга хэмжээнд УИХ-ын гишүүн, ТББХ-ны дарга А.Бакей, Засгийн газгийн газрын гишүүн, Уул уурхайн сайд Д.Ганхуяг, БНХАУ-ын Монгол Улсад суугаа элчин сайдын яамны болон БНХАУ-ын ШУӨЗО-ны Алтай аймгийн төлөөлөл, аймгийн удирдлагууд бусад төлөөлөгчид, Чи Хуа ХХК, Юүшэнгминг ХХК-ийн төлөөлөл оролцлоо. 

Юүшэнгминг ХХК нь БНХАУ-ын Чи Хуа группын 100% -ийн хөрөнгө оруулалттайгаар 2010 онд ашигт малтмал хайгуул, олборлолтын чиглэлээр үйл ажиллагаа явуулахаар байгуулагдсан ба Баян-Өлгий аймгийн Ногооннуур сумын нутагт орших “Дулаан хар” уул нэртэй газарт MV-015605 тоот тусгай зөвшөөрөл бүхий үндсэн орд эзэмшдэг юм.

Уурхайн ашиглах хугацаа, нөөц - Дулаан харын уурхай нь техник эдийн засгийн үндэслэлээр 16 жилийн хугацаатайгаар ашиглахаар боловсруулсан бөгөөд ашиглалтын хугацаанд нийт 9843,3 мян.тн хүдэр олборлон баяжуулж, үүнээс хар тугалга 128,06 мян.тн, цайр 456,81 мян.тн, мөнгө 0,083 мян.тн, 7,1 мян.тн тус тус гарган авахаар тооцсон байна.

 

 
 

Хуудас 139-с 132

Design, Development CMS - http://www.joomvision.com

Санал асуулга

Та аймгийнхаа мэдээллийг аль сувгаар илүү авч байна вэ?