Joomla Templates and Joomla Extensions by JoomlaVision.Com

Өлгий сум Өлгий сум

Өлгий сум Өлгий сум
Developed by JoomVision.com

Нэрт орчуулагчийн номын баяр боллоо

PDFХэвлэхИ-мэйл

2015 - 12-р сарын 27, Ням гариг, 08:10

Баян-Өлгий аймгийн Өлгий суманд багш, сэтгүүлч, орчуулагч Т.Насыр(1935-1982)-ын мэндэлсний наян жилийн ойг тэмдэглэв.

Т.Насырын хүү Н.Самат, Н.Сабет нарын үр хүүхдүүд сэтгүүлчдийн болон соёлын байгууллагатай хамтран зохион байгуулсан энэ арга хэмжээний хүрээнд Т.Насырын «Дэнлүүний гэрэл», «Казах-орос; Монгол-казах-орос; Орос-казах-монгол нэр томъёоны толь» номуудын нээлт аймгийн төв номын санд болов. Эдгээр нэр томъёоны толиудыг Т.Насыр амьд ахуйдаа хэд хэдэн ном болгон хэвлүүлэн гаргаж казах иргэд, ялангуяа хэвлэл мэдээллийн ажилтнууд, оюутнууд ширээний ном болгон хэрэглэж байсныг хүү Н.Самат (УБХ-ын гишүүн асан) эмхэтгэн хэвлүүлсэн юм байна. Энэхүү номнуудаас аймгийн номын сан болон орон нутгийг судлах музейд баяр ёслолын байдалтай гардуулахад зохиогчийн гэргий С.Шарий, хүү Н.Шарип, хамтран зүтгэгч К.Хамза, Ш.Жүкей, Х.Маграж, шавь Е.Дөрвөдхан, С.Хыдырпатша нарын хүмүүс дурдатгал, сэтгэгдлээ дэлгэн ярилаа.

nasirТ.Насыр тус аймгийн ууган орос хэлний мэргэжилтэн (их сургуульд нэрт зохиолч Д.Маам найзтайгаа хамт нэг ширээнд сууж суралцсан) байсан бөгөөд хөдөлмөрийн гараагаа 1957 онд дунд сургуулийн багшаас эхэлсэн ч 1959 оноос 13 жил аймгийн сонины хариуцлагатай нарийн бичгийн даргаар алба хашиж улмаар насан эцэстэл хэвлэл мэдээллийн байгууллагад удирдах ажил хийсэн байна.

   

Улаан бурхан өвчнөөр өдөрт 10-15 хүүхэд бүртгэгдэж байна

PDFХэвлэхИ-мэйл

2015 - 12-р сарын 25, Баасан гариг, 03:43

Баян-Өлгий аймагт улаан бурхан өвчний гаралт нэмэгдэж байгаагаас аймгийн нэгдсэн эмнэлгийн халдвартын тасагт ор хүрэлцэхгүй байна.

Тус эмнэлгийн эмчилгээ эрхэлсэн орлогч А.Мажетхан, халдвартын тасгийн эмч А.Рая нар мэдээлэхдээ, Улаан бурхан өвчин тавдугаар сараас тархаж эхэлсэн. Улаанбаатараас нутагтаа ирсэн оюутнуудаас халдварласан гэсэн таамаг бий. Агаараар буюу амьсгалын замаар тархдаг, хүйтний эрч чангарах тусам идэвхждэг энэ өвчний халдвар авсан хүүхдүүд өдөр тутам арав, арван таваар манайд ирдэг боллоо. Халдварт өвчнийг эмчлэх тасагт 14 ор байдаг. Бусад тасгаас зай гаргаж, өнөөдөртөө хорин хоёр хүүхдийг хэвтүүлэн эмчилж байгаа бөгөөд ихэнхийг нь гэрээр нь эмчлэх арга хэмжээ авч байна. Хот, хөдөөний эмч нартай хэлэлцэн тохиролцож, өвчтөнүүдийг тухайн оршин суудаг газар дээр нь тусгаарлан эмчлүүлж байна. Урьдчилан сэргийлэх вакцинд хамрагдаагүй, голцуу хөдөөнөөс ирээд аймгийн төвд суралцдаг хүүхдүүд энэ өвчнөөр өвдөж байна гэж ярилаа.

Мөн уг өвчнөөс сэргийлэх, өвдсөн тохиолдолд эмчлэн сувилах талаар зөвлөгөө өгч байнга өгч байгаа ажээ.

   

Татварын орлогын дутууг яаралтай гүйцээхийг даалгалаа

PDFХэвлэхИ-мэйл

2015 - 12-р сарын 24, Пүрэв гариг, 03:41

Сум, байгууллага, аж ахуйн нэгж, хувь хүмүүс ойрын долоо хоногийн дотор татварын төлөвлөгөөний дутууг гүйцээхийг Баян-Өлгий аймгийн татварын хэлтэс шаардлаа.

Тус хэлтсийн дарга Д.Нурлан энэ тухай өгсөн тайлбартаа, Бид энэ онд төвлөрсөн болон орон нутгийн төсөвт 8,2 тэрбум төгрөг хуримтлуулах төлөвлөгөөтэй. Голцуу хувь хүмүүсийн зүгээс төлөх үүрэгтэй үл хөдлөх хөрөнгийн, түүнийг бусдад худалдсаны, газар ашиглаж, эзэмшсэний болон бууны, авто машины татвар хураамжийг шинэ он эхлэхээс өмнө барагдуулах хэрэгтэй байна. Ер нь татварын төлөвлөгөөг бүрэн биелүүлэх боломж бүрдэж байна. Дашрамд нь хэлэхэд нэмүү өртгийн талаарх шинэ журам худалдан авагчдад ашигтай тул энэ талаар манай мэргэжилтнүүдээс зөвлөгөө авах хэрэгтэй гэж ярилаа.

   

Өлгийн зах дээр нэхий 1000 төгрөгийн үнэтэй байна

PDFХэвлэхИ-мэйл

2015 - 12-р сарын 24, Пүрэв гариг, 03:39

Өчигдрийн байдлаар Баян-Өлгий аймгийн Өлгий сумын малын зах дээр хонины нэхий 1000 төгрөгийн үнэтэй байна. Хамгийн найдвартай, үнэт хувцас болох нэхий ингэтлээ үнэгүйдсэн нь манай улсад нэхийгээр бэлэн бүтээгдэхүүн боловсруулан гаргадаг үйлдвэрлэл үгүйлэгдсээр байгааг харуулж байна.

Мөн адуу 600 мянга, үхэр 250-300 мянга, хонь 50-60 мянган төгрөг, ямааны кг ноолуур 35 000, адууны шир 45000, үхрийн шир 20 000, ямааны арьс 13 000 төгрөг байна.

Хүнсний зах дээр ОХУ-ын нэгдүгээр зэргийн 50 кг гурил 43 000, дотоодын гурил 50 000, 40 кг-ын хорголжин тэжээл 15-18 мянга, литр сүү 1800, хонины кг мах 4000, үхрийн мах 3800, цагаан будаа 2500, элсэн чихэр 1800 төгрөг байлаа.

Ам.доллар 2000, орос рубль 29, хятад юань 309, казахстаны тенге 5,9 төг байгаа нь тенгегээс бусад гадаад валютын үнийн өсөлт зогсолтгүй ахисаар байгаагийн жишээ мөн. Гэхдээ Казахстанд өчигдөрөөс цалин хөлсийг 20-40 хувиар өсгөсөн нь нэгийг бодогдуулж байна. А-92 бензин 1660 төгрөгийн үнэтэй байна.

   

Өлгийн төв талбайд сүлд мод, мөсөн хот босгоно

PDFХэвлэхИ-мэйл

2015 - 12-р сарын 23, Лхагва гариг, 03:35

2015 онд төлөвлөсөн ажлынхаа 90 гаруй хувийг хийж гүйцэтгэснээ Баян-Өлгий аймгийн Өлгий сумын Засаг дарга Ө.Хабай мэдэгдлээ.

Юуны өмнө Өлгий хотын 75 жилийн ойг тэмдэглэн, урд хөрш ШУӨЗО-ны Алтай хотын хүч хөрөнгөөр «Найрамдал» оргилд «салхилах” байр баригдсаныг онцлон дурдаад, албан байгууллага, аж ахуйн нэгж, айл өрхүүдийн тохижилт ариун цэвэрт ахиц гарсанаар хот шинэ moson hotөнгө жавхаатай боллоо. Боловсролын байгууллагуудын сургалтын орчин дээшиллээ гэв. Харин чулуу зүсч өнгөлдөг үйлдвэр шинээр байгуулагдан ажил нь жигдрээгүй зэргээс улбаалаад хотын төв талбайг тэрбум гаруй төгрөгийн хөрөнгөөр гангалах ажил дуусаагүй, ирэх онд гурав дахь жилдээ үргэлжлэн тавигдна гэнэ. Мөн өнгөрсөн жил тус сумын иргэд 26 мянган толгой малтай байсан бол энэ оны тооллогоор 25 мянган толгой мал тоолуулж мянгаар дутаасны шалтгаан нь идшэнд хэрэглэснийх гэж хариуллаа.

Өнгөрсөн хоёр жилд шинэ жилийн наадмаар төв талбайд мөсөн хот, арван хоёр амьтны мөсөн баримал босгон ихээхэн хөрөнгө зарж байсан бол энэ удаа арай авсаархан сүлд мод болон мөсөн хотыг таван сая төгрөгийн хөрөнгөөр босгож эхэлсэн тухай Засаг дарга ярилаа.

   

Өлгий-Цагааннуурын замд шинэ өртөө байгуулагдлаа

PDFХэвлэхИ-мэйл

2015 - 12-р сарын 22, Мягмар гариг, 03:32

Баян-Өлгий аймгийн Өлгий хотоос Цагааннуурын тосгон руу гарах замын эхэнд хянан шалгах байр байгуулагдан, өчигдрөөс хяналтын хэсэг ажиллаж эхэллээ.

post-Энэ бол олон улсын чанартай зам. Пост 24 цагийн турш ажиллана. Өмнө нь Улаанбаатар руу гарах зам дээр ийм байр ажиллаж ирсэн бол Цагааннуурын чиглэлээр зорчигч олноор гардаг, ордог, тэд багагүй зөрчил гаргах болсон тул ийм арга хэмжээг хэрэгжүүлж байна. Одоо энэ замын хөдөлгөөнийг журамтай, эмх замбараатай болгоно. Энэ нь зорчигчдын аюулгүй байдлыг хангах, замын хөдөлгөөний дүрэм журмын шаардлагыг сахих ач холбогдолтой. Авто тээвэрчид техник хэрэгслийн татвар болон даатгалын шимтгэл төлөөгүй, улсын бүртгэл нь зөрчилтэй зэрэг хууль тогтоомж зөрчсөн бол нэвтрүүлэхгүй. Бүртгэлд хамрагдаагүй, үзлэгт ороогүй техник эзэмшигчдийг 96200 төгрөгөөр торгох журмыг баримтална гэж авто тээврийн газрын дарга Х.Хайсанай мэдэгдлээ.

   

Хуудас 19-с 9

Design, Development CMS - http://www.joomvision.com

Санал асуулга

Та аймгийнхаа мэдээллийг аль сувгаар илүү авч байна вэ?