Developed by JoomVision.com

Өлгий сум

Тавхан жилийн өмнө барьсан барилгад засвар хийх тохиолдол ч гарч байна

PDFХэвлэхИ-мэйл

Нийтэлсэн: sumadmin 2017 - 3-р сарын 06, Даваа гариг, 11:28

Зураг

Баян-Өлгий /МОНЦАМЭ/. Урин дулаан цаг ойртож барилгын ажил эхлэх цаг хаяанд тулаад байгаа юм. Яг энэ цаг үед Баян-Өлгий аймгийн Газрын харилцаа барилга хот байгуулалтын газраас Барилгачдын удирдах ажилтны зөвлөлгөөнийг зохион байгууллаа.

Тус зөвлөлгөөнөөр барилгын салбарт тулгамдаж байгаа асуудлаа түлхүү хэлэлцсэн юм. Сүүлийн жилүүдэд барилгын бүтээн байгуулалт нэмэгдэж байгаа хэдий ч чанарт зайлшгүй анхаарах шаардлага тулгараад байгаа юм. Тухайлбал 5 жилийн өмнө баригдсан шинэ барилгад засвар хийх шаардлагатай болж байна хэмээн аймгийн Газрын харилцаа барилга хот байгуулалтын газрын дарга К.Болат онцлон ярилаа. Тиймээс барилгын материалын чанар болон барилга барих үйл явцад зайлшгүй өндөр анхаарал хандуулах цаг хэдийнээ болсныг тус зөвлөлгөөнд оролцогчид дуу нэгтэй хүлээн зөвшөөрлөө.

Зөвлөлгөөнд аймаг сумдын барилга угсралтын ажил хийж байгаа болон барилгын материалын үйлдвэр эрхэлж байгаа компаниуд инженер техникийн ажилтнууд мөн аймаг сумдын засаг дарга нар хүрэлцэн ирж оролцлоо.

 

Оюутнууд нутагтаа өдөрлөг зохион байгууллаа

PDFХэвлэхИ-мэйл

Нийтэлсэн: sumadmin 2017 - 3-р сарын 11, Бямба гариг, 05:06

alt

Баян-Өлгий /МОНЦАМЭ/ Баян-Өлгий аймгаас Монгол Улсын Их Сургуульд суралцаж байгаа оюутнууд ирж буй хаврын баяр–Наурыз баярыг угтан казах үндэстний өв уламжлал, зан заншил, соёлыг сурталчлах зорилгоор өдөрлөг зохион байгууллаа.

Уг арга хэмжээг МУИС-ийн дэргэдэх “Билим” клубаас санаачлан зохион байгуулсан бөгөөд өдөрлөгийн үеэр казахын ард түмний үндэсний онцлогийг харуулсан чимэглэл бүхий эсгий гэр барьж гар урлал, хатгамал, үндэсний хувцасны үзэсгэлэн дэлгэж, бүргэдээр ан хийх урлагийг сурталчлан ардын дуу хуурыг эгшиглүүллээ.

Мөн ирсэн зочдод “Бүргэд” бүжгийг сонирхуулж, дастархан буюу идээний дээж, “наурыз көже” амсуулан хүндэтгэл үзүүллээ.

   

Японд хөдөлмөрийг гэрээгээр ажиллуулна

PDFХэвлэхИ-мэйл

Сүүлд шинэчлэгдсэн: 2017 - 4-р сарын 10, Даваа гариг, 05:09 Нийтэлсэн: sumadmin 2017 - 3-р сарын 10, Баасан гариг, 05:04

alt

Баян-Өлгий аймгийн иргэдийг Япон улсад хөдөлмөрийн гэрээгээр ажиллуулахаар болсон талаар аймгийн ЗДТГ-аас мэдээллээ.

Өнөөдөр аймгийн Засаг дарга А.Гылымхан уг асуудлаар «Эрхэм уянга» ХХК-ны төлөөллүүдийг хүлээн авч уулзаж, тодорхой тохиролцоонд хүрсэн байна. Тус компани нь Хөдөлмөр, нийгмийн хамгааллын яамтай гэрээ байгуулсны дагуу иргэдийг хөдөө аж ахуй, газар тариалан, мал аж ахуй, оёдол, барилга, мужаан, арматурчин зэрэг мэргэжлүүдээр зургаан сарын дадлагажих сургалтад хамруулж, Япон улсад ажиллуулахаар болж байгаа юм байна.

Япон улсад хөдөлмөрийн гэрээгээр ажиллах сонирхолтой иргэдэд япон хэлний анхан шатны бэлтгэлд хамрагдаж Н5 үнэлгээ авсан байх, эрүүл мэндийн үзлэгт хамрагдсан байх, харилцааны соёлтой байх, тухайн ажлыг хийж чадах мэргэжлийн ур чадвар байх зэрэг шаардлагууд тавигдаж байгаа бөгөөд шаардлага хангасан иргэд Япон улсад 4-4,5 сая төгрөгийн сарын цалинтай ажиллах боломжтой болох юм. Мөн хөтөлбөрт хамрагдсан иргэдийн нийгмийн даатгалын шимтгэлийг Монгол Улсын хууль тогтоомжийн дагуу төлөхөөр болжээ.

Дашрамд дуулгахад Баян-Өлгий аймгийн хувьд ажилгүйдэл нь хамгийн тулгамдсан асуудлуудын нэг бөгөөд өнөөдрийн байдлаар 1167 иргэн идэвхтэй ажил хаягчаар бүртгүүлээд байна.

   

Шинэ Багийн иргэдийн нийтийн хурлын дарга нар

PDFХэвлэхИ-мэйл

Нийтэлсэн: sumadmin 2017 - 3-р сарын 10, Баасан гариг, 02:23

Image may contain: 15 people, people standing and suit

   

2017 оны Багийн Засаг даргын сонгуулиар сонгогдсон багийн засаг дарга нар

PDFХэвлэхИ-мэйл

Нийтэлсэн: sumadmin 2017 - 3-р сарын 10, Баасан гариг, 02:19

alt

   

Хуудас 24-с 5

Design, Development CMS - http://www.joomvision.com

Санал асуулга

Та аймгийнхаа мэдээллийг аль сувгаар илүү авч байна вэ?