Developed by JoomVision.com

Өлгий сум

МЭНДЧИЛГЭЭ

Хүндэт иргэдээ! Өлгий хотыг хөгжүүлэх, орчин үеийн шаардлага хангасан эрүүл, аюулгүй, цэвэр хот болгохын төлөө иргэн бүрийн оролцоог хангах, тэдгээрийн санал, хүсэлтэд тулгуурласан бодлогыг үйл ажиллагаандаа мөрдлөгө болгон үйл ажиллагааны хөтөлбөрөө батлуулан ажиллаж байна.

 Бидний энэхүү зорилт, зорилгыг биелүүлэхэд иргэд та бүхний санал бодол, шүүмжлэл илүү чухал байгаа юм. Төрийн албаны ил тод байдалыг хангах, эрх зүйн орчныг хууль журмын дагуу бүрдүүлэх, мэдээллээр хангах зэрэг төрийн үйлчилгээний чухал бодлогуудыг үйл ажиллагаандаа мөрдлөгө болгоход та бид хамтран ажиллах ёстой гэж үздэг.

Төсөв, санхүү бүрдүүлэх, хөрөнгө оруулалт, бүтээн байгуулалт зэрэгт бид үргэлж иргэд та бүхний саналыг авч, хэрэгжүүлэх болно. Эцэст нь хот шиг хот болох иргэд, оршин суугчдын амьжиргаа дээшилж амьдрах нөхцөл аюулгүй болж сайжирснаар иргэн та хожно гэдгийг анхаарна уу.

Та бүхэнд сайн сайхан бүхнийг хүсэн ерөөе!

ЗАСАГ ДАРГА                                       Х.Бахытхумар

 

Улаан бурхан өвчнөөр өдөрт 10-15 хүүхэд бүртгэгдэж байна

PDFХэвлэхИ-мэйл

Сүүлд шинэчлэгдсэн: 2016 - 2-р сарын 22, Даваа гариг, 03:44 Нийтэлсэн: sumadmin 2015 - 12-р сарын 25, Баасан гариг, 03:43

Баян-Өлгий аймагт улаан бурхан өвчний гаралт нэмэгдэж байгаагаас аймгийн нэгдсэн эмнэлгийн халдвартын тасагт ор хүрэлцэхгүй байна.

Тус эмнэлгийн эмчилгээ эрхэлсэн орлогч А.Мажетхан, халдвартын тасгийн эмч А.Рая нар мэдээлэхдээ, Улаан бурхан өвчин тавдугаар сараас тархаж эхэлсэн. Улаанбаатараас нутагтаа ирсэн оюутнуудаас халдварласан гэсэн таамаг бий. Агаараар буюу амьсгалын замаар тархдаг, хүйтний эрч чангарах тусам идэвхждэг энэ өвчний халдвар авсан хүүхдүүд өдөр тутам арав, арван таваар манайд ирдэг боллоо. Халдварт өвчнийг эмчлэх тасагт 14 ор байдаг. Бусад тасгаас зай гаргаж, өнөөдөртөө хорин хоёр хүүхдийг хэвтүүлэн эмчилж байгаа бөгөөд ихэнхийг нь гэрээр нь эмчлэх арга хэмжээ авч байна. Хот, хөдөөний эмч нартай хэлэлцэн тохиролцож, өвчтөнүүдийг тухайн оршин суудаг газар дээр нь тусгаарлан эмчлүүлж байна. Урьдчилан сэргийлэх вакцинд хамрагдаагүй, голцуу хөдөөнөөс ирээд аймгийн төвд суралцдаг хүүхдүүд энэ өвчнөөр өвдөж байна гэж ярилаа.

Мөн уг өвчнөөс сэргийлэх, өвдсөн тохиолдолд эмчлэн сувилах талаар зөвлөгөө өгч байнга өгч байгаа ажээ.

   

Татварын орлогын дутууг яаралтай гүйцээхийг даалгалаа

PDFХэвлэхИ-мэйл

Сүүлд шинэчлэгдсэн: 2016 - 2-р сарын 22, Даваа гариг, 03:42 Нийтэлсэн: sumadmin 2015 - 12-р сарын 24, Пүрэв гариг, 03:41

Сум, байгууллага, аж ахуйн нэгж, хувь хүмүүс ойрын долоо хоногийн дотор татварын төлөвлөгөөний дутууг гүйцээхийг Баян-Өлгий аймгийн татварын хэлтэс шаардлаа.

Тус хэлтсийн дарга Д.Нурлан энэ тухай өгсөн тайлбартаа, Бид энэ онд төвлөрсөн болон орон нутгийн төсөвт 8,2 тэрбум төгрөг хуримтлуулах төлөвлөгөөтэй. Голцуу хувь хүмүүсийн зүгээс төлөх үүрэгтэй үл хөдлөх хөрөнгийн, түүнийг бусдад худалдсаны, газар ашиглаж, эзэмшсэний болон бууны, авто машины татвар хураамжийг шинэ он эхлэхээс өмнө барагдуулах хэрэгтэй байна. Ер нь татварын төлөвлөгөөг бүрэн биелүүлэх боломж бүрдэж байна. Дашрамд нь хэлэхэд нэмүү өртгийн талаарх шинэ журам худалдан авагчдад ашигтай тул энэ талаар манай мэргэжилтнүүдээс зөвлөгөө авах хэрэгтэй гэж ярилаа.

   

Өлгийн зах дээр нэхий 1000 төгрөгийн үнэтэй байна

PDFХэвлэхИ-мэйл

Сүүлд шинэчлэгдсэн: 2016 - 2-р сарын 22, Даваа гариг, 03:41 Нийтэлсэн: sumadmin 2015 - 12-р сарын 24, Пүрэв гариг, 03:39

Өчигдрийн байдлаар Баян-Өлгий аймгийн Өлгий сумын малын зах дээр хонины нэхий 1000 төгрөгийн үнэтэй байна. Хамгийн найдвартай, үнэт хувцас болох нэхий ингэтлээ үнэгүйдсэн нь манай улсад нэхийгээр бэлэн бүтээгдэхүүн боловсруулан гаргадаг үйлдвэрлэл үгүйлэгдсээр байгааг харуулж байна.

Мөн адуу 600 мянга, үхэр 250-300 мянга, хонь 50-60 мянган төгрөг, ямааны кг ноолуур 35 000, адууны шир 45000, үхрийн шир 20 000, ямааны арьс 13 000 төгрөг байна.

Хүнсний зах дээр ОХУ-ын нэгдүгээр зэргийн 50 кг гурил 43 000, дотоодын гурил 50 000, 40 кг-ын хорголжин тэжээл 15-18 мянга, литр сүү 1800, хонины кг мах 4000, үхрийн мах 3800, цагаан будаа 2500, элсэн чихэр 1800 төгрөг байлаа.

Ам.доллар 2000, орос рубль 29, хятад юань 309, казахстаны тенге 5,9 төг байгаа нь тенгегээс бусад гадаад валютын үнийн өсөлт зогсолтгүй ахисаар байгаагийн жишээ мөн. Гэхдээ Казахстанд өчигдөрөөс цалин хөлсийг 20-40 хувиар өсгөсөн нь нэгийг бодогдуулж байна. А-92 бензин 1660 төгрөгийн үнэтэй байна.

   

Өлгийн төв талбайд сүлд мод, мөсөн хот босгоно

PDFХэвлэхИ-мэйл

Сүүлд шинэчлэгдсэн: 2016 - 2-р сарын 22, Даваа гариг, 03:38 Нийтэлсэн: sumadmin 2015 - 12-р сарын 23, Лхагва гариг, 03:35

2015 онд төлөвлөсөн ажлынхаа 90 гаруй хувийг хийж гүйцэтгэснээ Баян-Өлгий аймгийн Өлгий сумын Засаг дарга Ө.Хабай мэдэгдлээ.

Юуны өмнө Өлгий хотын 75 жилийн ойг тэмдэглэн, урд хөрш ШУӨЗО-ны Алтай хотын хүч хөрөнгөөр «Найрамдал» оргилд «салхилах” байр баригдсаныг онцлон дурдаад, албан байгууллага, аж ахуйн нэгж, айл өрхүүдийн тохижилт ариун цэвэрт ахиц гарсанаар хот шинэ moson hotөнгө жавхаатай боллоо. Боловсролын байгууллагуудын сургалтын орчин дээшиллээ гэв. Харин чулуу зүсч өнгөлдөг үйлдвэр шинээр байгуулагдан ажил нь жигдрээгүй зэргээс улбаалаад хотын төв талбайг тэрбум гаруй төгрөгийн хөрөнгөөр гангалах ажил дуусаагүй, ирэх онд гурав дахь жилдээ үргэлжлэн тавигдна гэнэ. Мөн өнгөрсөн жил тус сумын иргэд 26 мянган толгой малтай байсан бол энэ оны тооллогоор 25 мянган толгой мал тоолуулж мянгаар дутаасны шалтгаан нь идшэнд хэрэглэснийх гэж хариуллаа.

Өнгөрсөн хоёр жилд шинэ жилийн наадмаар төв талбайд мөсөн хот, арван хоёр амьтны мөсөн баримал босгон ихээхэн хөрөнгө зарж байсан бол энэ удаа арай авсаархан сүлд мод болон мөсөн хотыг таван сая төгрөгийн хөрөнгөөр босгож эхэлсэн тухай Засаг дарга ярилаа.

   

Хуудас 20-с 8

Design, Development CMS - http://www.joomvision.com

Санал асуулга

Та аймгийнхаа мэдээллийг аль сувгаар илүү авч байна вэ?