Баян-Өлгийн мал 146000 толгойгоор нэмэгдэв

Хэвлэх

2017 - 1-р сарын 04, Лхагва гариг, 02:25

alt

Ээлжит мал тооллогын эцсийн дүн Баян-Өлгий аймагт өчигдөр гарлаа.

Аймгийн статистикийн хэлтсийн дарга Н.Ерлан энэ тухай мэдээлэхдээ,

-Мал, хүн амын тооллого өнгөрсөн сард амжилттай явагдаж дууслаа. Тус аймгийн нийт мал сүргийн тоо 2016 онд 146367 толгойгоор нэмэгдэж 2 сая 167 000 хүрэв. Өмнөх жилүүдэд шүлхий өвчин гарсаны улмаас зах зээлээс таслагдсан Алтай сум их хэмжээний малыг зах зээлд гаргаснаас 2500 малыг хорогдуулан, бусад сум тухайлбал Ногооннуур 22 мянга, Дэлүүн 21 мянга, Бугат 16 мянган толгойгоор өсгөв. Хүн амын тооллогын дүнг нэгтгэж амжаагүй, хоёр хоногийн дараа нийтэд мэдээлнэ гэв.